देशभरका ५७५ सडकको ठेक्का अन्योलमा, ठूला आयोजनालाई बजेट जुटाउनै मुस्किल
गीता भुजेल
प्रकाशित : 9:07 am, मंगलबार, मंसिर १६, २०७७

काठमाडौं । देशभरका ५७५ सडक आयोजनाका ठेक्का प्रक्रिया अन्योलमा परेको छ ।

 

सडक निर्माण अन्तर्गत हाल २ हजार भन्दा बढी ठेक्का रहेकामा बजेट विनियोजन नहुनु, स्रोत सुनिश्चित हुन नसक्नु, ठूला आयोजनाको जिम्मेवारी प्रदेश सरकारले नलिनु लगायत कारणले ५७५ सडकको ठेक्का अन्योलमा परेका हुन् ।

 

विभागका सूचना अधिकारी रमेशकुमार सिंहका अनुसार केन्द्रीय सरकारले प्रदेशका लागि भनेर छुट्याएका कतिपय ठेक्काहरूको लागत करोडौं पुग्ने भएपछि उनीहरूले लिन मानेका छैनन् ।

 

सडक निर्माण अन्तर्गत हाल २ हजार भन्दा बढी ठेक्का रहेकामा बजेट विनियोजन नहुनु, स्रोत सुनिश्चित हुन नसक्नु, ठूला आयोजनाको जिम्मेवारी प्रदेश सरकारले नलिनु लगायत कारणले ५७५ सडकको ठेक्का अन्योलमा परेको हो ।

 

उनले ठेक्काहरूमा करौडौं लगानी आवश्यक पर्ने र स्रोत सुनिश्चित नभएपछि ठेक्का बुझिलिन नमानेका हुन् । ‘करोडौंको ठेक्का छन्, ठूलो लगानी ठेक्का प्रदेशले लिन चाहँदैन, लिए पनि स्रोत जुटाउन सकिदैन, यस विषयमा नीतिगत रूपमै निर्णय हुनु पर्छ, अहिले छलफलको क्रममा रहेको छ,’ सिंहले चाणक्य पोष्टसँग भने ।

 

उनले अढाई अर्ब बढी लगानीका ठेक्काहरू अन्योलमा रहेको बताए । यस आयोजनाहरूमा हालसम्म कुनै काम हुन सकेको छैन । ‘पेन्डिङ’मा रहेका मध्ये कतिपय ठेक्का हस्तान्तरणको अवस्थामा रहेको उनले बताए ।

 

सडक विभाग समेत नीतिगत निर्णयको पर्खाइमा रहेको उनले बताए । उनले नीतिगत निर्णय बिना ठेक्का अघि बढाउन नसकिने भएकाले सरकारी नीतिगत निर्णयकै पर्खाइमा रहेको बताए । बजेट र योजना सडक विभागमा नआउनाले सो ठेक्कामा विभागले केही गर्न नमिल्ने उनले बताए । ‘रोकिएका ठेक्काहरू मध्ये केही क्लेम गर्ने अवस्थामा रहेका छन् भने कुनै ठेक्का टर्मिनेट हुने क्रममा रहेको छ,’ सिंहले भने ।

 

यस्तै विगतमा ठेक्का भएर पनि लामो समय काम पूरा गर्न नसकेका ९०६ ठेक्का रहेको थियो । हालसम्म आइपुग्दा सो संखया घटेर ५०० पुगेको छ । ठेक्का पूरा गर्न ढिलाई गर्नेलाई कालोसूचीमा राख्न थालेसँगै सो संखया घट्न थालेको हो ।

हाल १ हजार ४२५ ठेक्का अन्तर्गत काम भइरहेको छ । चालू आर्थिक वर्षको चौमासिकमा सडक विभाग अन्तर्गत ७५ किलोमिटर सडक कालोपत्र भएको छ । चालू आर्थिक वर्षभित्र १ हजार ३०० किलोमिटर सडक कालोपत्र गर्ने लक्ष्य रहेको छ ।

 

चालू आर्थिक वर्षको चौमासिकमा कुल बजेटको ११.१७ प्रतिशत खर्च भएको छ । गत वर्ष कोरोनाका कारण कामले गति लिन नसकेपनि चालू आवमा भने सहज वातावरण भएसँगै सडक निर्माणले गति दिएको उनले बताए ।

 

गत आवमा सडक विभाग अन्तर्गत कुल १ हजार ८१ किलोमिटर सडकमा कालोपत्रे गरिएको थियो । ती मध्ये ७२९ किलोमिटर सडकमा नयाँ कालोपत्र भएको थियो । ३५२ किलोमिटर पुनः निर्माण तथा पुनस्र्थापनाका क्रममा कालोपत्र भएका थिए ।

 

गत आवमा ३६५ किलोमिटर नयाँ ट्रयाक निर्माण गरिएको थियो । ७५७ किलोमिटर सडक खण्डमा स्तरोन्नति सम्पन्न गरिएको थियो । गत आर्थिक वर्षमा कुल बजेटको ५४.६६ प्रतिशत वित्तीय प्रगति भएको थियो ।

Advertisement Section