मेलम्ची आयोजना छिटो सम्पन्न गर्न सबै सहयोग गर्छौ : अर्थमन्त्री पौडेल

काठमाडौं । अर्थमन्त्री विष्णुप्रसाद पौडेलले मेलम्ची खानेपानी आयोजना छिटो सम्पन्न गर्न अर्थ मन्त्रालयले आवश्यक सबै सहयोग गर्ने बताएका छन् ।

 

अर्थ मन्त्रालयमा आयोजित कार्यक्रममा अर्थमन्त्री पौडेलले आयोजना सम्पन्न गर्नका लागि आवश्यक सहयोग र सहजीकरण गर्न अर्थ मन्त्रालय तयार रहेको बताएका हुन् ।

 

उनले मेलम्ची आयोजनाको काम प्रभावकारी रुपमा अघि बढाउन राज्यका सम्बद्ध निकायबीच समन्वय गरिने पनि बताए।

 

खानेपानी मन्त्री बिना मगरले मेलम्ची खानेपानी आायोजनामा अहिले सबै पक्ष खटिएर काम गरिरहेको जानकारी गराएकी थिइन् ।

 

आर्थिक वर्ष २०७७/७८ को बजेट कार्यान्वयन, विशेष गरी पूँजीगत खर्चको अवस्था, विद्यमान समस्या र समाधानका बारेमा छलफल गर्न अर्थ मन्त्रालयमा कार्यक्रम आयोजना गरिएको थियो ।

 

कार्यक्रममा चालू आर्थिक वर्षको बजेट कार्यान्वयन, आयोजनाहरुको भौतिक तथा वित्तीय प्रगतिलाई तीव्रताका साथ अघि बढाउनेमा जोड दिइएको थियो ।

नागरिकको उपचार गर्नबाट भागेको सरकारलाई सर्वोच्चको धक्का, अब कोरोनाको उपचार निःशुल्क गर्नुपर्ने Read Previous

नागरिकको उपचार गर्नबाट भागेको सरकारलाई सर्वोच्चको धक्का, अब कोरोनाको उपचार निःशुल्क गर्नुपर्ने

रिलायन्स लाइफको छलाङ, खुद नाफा ६२ प्रतिशतले वृद्धि Read Next

रिलायन्स लाइफको छलाङ, खुद नाफा ६२ प्रतिशतले वृद्धि