काठमाडौं । शिवम् सिमेन्ट्सले गत आर्थिक वर्षको मुनाफाबाट प्रस्ताव गरेको २४.२१ प्रतिशत लाभांश पारित गर्न साधरण सभा बोलाएको छ ।
कम्पनीले कात्तिक २४ गते कर्पोरेट कार्यालय, अनामनगरमा पाँचौ वार्षिक साधारण सभा डाकेको हो। साधरण सभामा भर्चुअल माध्यम (भिडियो कन्फ्रेन्स) मार्फत सहभागी हुन सक्ने कम्पनीले जनाएको छ । सहभागी हुन सेयरधनीलाई जुम आइडी र पासवर्ड उपलब्ध गराउने कम्पनीले जनाएको छ।
कम्पनीले साधरण सभामा २४.२१ प्रतिशत लाभांश पारित गर्ने, गत आर्थिक वर्षको वासलत उपर छलफल गर्ने, चालू आवका लागि लेखापरीक्षक नियुक्त गर्ने लगायत प्रस्ताव एजेन्डाका रुपमा लैजाने भएके छ ।
साधारण सभा प्रयोजनका लागि कम्पनीले कात्तिक १३ गते बुकक्लोज मिति तोकेको छ । यस अनुसार कात्तिक १२ गतेसम्म नेप्सेमा कारोबार भइ कायम रहेका सेयरधनीले सभामा भाग लिन तथा लाभांश प्राप्त गर्न सक्नेछन्।
