काठमाडौं । सानिमा बैंकले सप्तरीको बोदेबर्साइन नगरपालिका–५ स्थित, बोदेबर्साइनमा एक्सटेन्सन काउन्टर स्थापना गरेको छ ।
बुधबारदेखि औपचारिक रुपमा संचालनमा आएको उक्त शाखाको समुद्घाटन बोदेबर्साइन नगरपालिकाका मेयर आतेश कुमार सिंहले गरे ।
कोरोना भाइरसको संक्रमणलाई ध्यानमा राख्दै सुरक्षा सावधानीका उपायहरु अपनाई विस्तारित काउन्टर संचालनमा आएकोमा मेयर सिंहले सानिमा बैंकलाई धन्यवाद दिँदै आगामी दिनमा पनि सुरक्षित तरिकाले काउन्टरको सेवा सुचारु राख्न आग्रह गरे ।
बैंकले हाल देशभरका ८३ वटा शाखा, १६ विस्तारित काउन्टर र ८१ वटा एटीएममार्फत बैंकिङ सेवा प्रदान गर्दै आएको छ ।
