काठमाडौं । सानिमा बैंकले गत आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ ।
बैंक सञ्चालक समितिको मंगलबार बसेको बैठकले गत आवको नाफाबाट सेयरधनीलाई १० बोनस सेयर र कर प्रयोजन सहित ३.६० प्रतिशत नगद गरी कुल १३.६० प्रतिशत लाभांश दिने प्रस्ताव गरेको हो ।
यो अघिल्लो आर्थिक वर्षको भन्दा ८ प्रतिशत कम हो । बैंकले अघिल्लो आवमा १० प्रतिशत बोनस र ११.०५ प्रतिशत नगद गरी कुल २१.०५ प्रतिशत लाभांश दिएको थियो ।
बैंकले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र बैंकको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
हाल बैंकको चुक्ता पूँजी ८ अर्ब ८० करोड रुपैयाँ रहेको छ भने बोनस वितरणपछि चुक्ता पूँजी ९ अर्ब ६८ पुग्नेछ ।
