काठमाडौं । प्रभु बैंकको ब्राण्ड एम्बास्डरमा नेपाली सिनेमा क्षेत्रका ख्यातिप्राप्त कलाकार अभिनेता प्रदीप खडका र अभिनेतृ कृष्टिना गुरुङ्ग नियुक्त भएका छन् ।
बैंकका प्रमुख कार्यकारी अधिकृत अशोक शेरचनले बैंकको केन्द्रीय कार्यालयमा आयोजित एक कार्यक्रममा कलाकारद्धय खड्का र गुरुङ्गलाई बैंकको ब्राण्ड एम्बास्डरमा नियुक्ति गर्ने सम्बन्धी सम्झौतापत्रमा हस्ताक्षर गरेका हुन् ।
उक्त हस्ताक्षर कार्यक्रममा कलाकारद्धय खड्का र गुरुङ्ग अभिनित बैंकको विज्ञापन सार्वजनिक गरिएको थियो । नेपाली सिनेमा जगतका ख्यातिप्राप्त कलाकारद्धय बैंकको ब्राण्ड एम्बास्डर नियुक्त भएपछि सर्वसाधारणमा बैंकप्रतिको विश्वसनीयतामा वृद्धि हुने बैंकले विश्वास लिएको छ ।
