काठमाडौं । सिटीजन्स् लाइफ इन्स्योरेन्सले प्राथमिक साधरण सेयर (आइपीआ) निष्काशन प्रक्रिया अगाडि बढाएको छ ।
कम्पनीले प्रतिकित्ता अंकित मूल्य १०० रुपैयाँका दरले ७५ करोड रुपैयााँ बराबरको ७५ लाख कित्ता आइपीओ निष्काशनका लागि एनआइबीएल एस क्यापिटललाई सेयर निष्काशन तथा विक्री प्रबन्धकमा नियुक्त गरेको हो ।
आइपीओ निष्काशनको लागि इन्स्योरेन्स र एनआइबीएल एस क्यापिटलबीच सम्झौता भएको छ । सम्झौतापत्रमा इन्स्योरेन्सको तर्फबाट प्रमुख कार्यकारी अधिकृत पोषकराज पौडेल र क्यापिटलको तर्फबाट नायब कार्यकारी अधिकृत मेखबहादुर थापाले हस्ताक्षर गरेका छन् ।
कम्पनीले बीमा समितिले तोकेको न्यूनतम चुक्ता पूँजी २ अर्ब पुर्याउन आइपीओ निष्काशन गर्न लागेको हो । हाल कम्पनीको चुक्ता पूँजी १ अर्ब ७५ करोड रुपैयाँ रहेको छ भने आइपीओ निष्काशनपछि चुक्ता पूँजी २ अर्ब ५० करोड पुग्नेछ ।
