सिलिकन भ्यालीका एक सय एक अर्बपतिहरुलाई पछि पारेर विश्वकै चौथो धनाड्य बनेका भारतीय अर्बपति मुकेश अम्बानीले गत मार्च महिनायता घण्टाको ९० करोड भारु कमाइरहेका छन् ।
लकडाउनको यो समयमा मुकेश अम्बानीको सम्पत्ति २ लाख ७७ हजार ७०० करोड भारु बाट बढेर अहिले ७ लाख ५८ लाख ४०० करोड भारु पुगेको जनाइएको छ ।
भाइरसको महामारी शुरू भए लगत्तै अम्बानीको सम्पत्तिमा २८ प्रतिशतको गिरावट आएको थियो भने त्यस लगत्तै बढ्न शुरू गरेको हो । मुकेश अम्बानीको कम्पनीहरु जियो र रिलायन्स रिटेलमा पछिल्लो समय फेसबुक, गुगल जस्ता कम्पनीहरुले लगानी गर्न थालेपछि उनको सम्पत्तिमा हालसम्म ८५ प्रतिशतको बढोत्तरी भइसकेको छ ।
लकडाउनको यो समयमा रिलायन्सको बजार पूँजीकरण १० लाख करोड भारु भन्दा बढी पुगिसकेको छ ।
विश्वको धनी ५ जना व्यक्तिहरुमा पर्ने अम्बानी एकमात्र भारतीय हुन् । उनी हाल एसियाको सबैभन्दा धनी व्यक्ति हुन् ।
