काठमाडौं । नेपाल स्टक एक्स्चेन्जमा होटल समूहको कारोबारमा सर्किट लागेको छ । सरकारले आज असोज १ गतेबाट होटलहरु खोल्न दिने घोषणा गरेकै दिन होटलको शेयरमा लगानीकर्ता झुम्मिएका हुन् ।
आज होटल समूहको उपसूचक ९.३७ प्रतिशतले बढेको छ । यस समूहमा रहेका ओरेन्टल होडल, सोल्टी होटल र तारागाउँ रिजेन्सी होटलको सेयर मूल्य १० प्रतिशत हाराहारीले बढेको छ ।
आजको कारोबारमा ओरेन्टल होटलको मूल्य ३९ अंकले वृद्धि भएको छ भने सेल्टी होटलको मूल्य १८ अंक र तारागाउँ रिजेन्सीको मूल्य २४ अंकले वृद्धि भएको छ ।
यो समाचार तयारपार्दासम्म तारागाउँको सियर किन्नेले १४३८७ कित्ताको लागि अर्डर दिएका छन् । तर, बिक्रीको लागि कुनै अर्डर छैन ।
त्यस्तै सोल्टी होटको सेयर किन्न ७० हजार ४११ कित्ताको अर्डर रहेको छ भने यसमा पनि बिक्रेता छैन ।
ओरेन्टल होटलको सेयर किन्न ४३ हजार ३६६ कित्ताको अर्डर रहेको छ भने यसमा पनि बिक्रेता छैनन् ।
कोरोना संक्रमणका बीचपनि सरकारले होटलहरु स्वास्थ्य मापदण्ड पुरागरि संचालन गर्न दिने निर्णय गरेको थियो । विगत ६ महिनादेखि कोरोना संक्रमितको लागि प्रयोग गर्न बाहेक सबै ठूला होटलहरु बन्द अवस्थामा थिए । यस्तोमा सरकारले होटल खोल्न दिने भएपछि लगानीकर्ताको आकर्षण होटलमा बढेको देखिन्छ ।
