काठमाडौं। दुईसाता अघि मात्रै भाउ बढाएको नेपाल आयल निगमले पेट्रोलको भाउ फेरि बढाएको छ।
निगमले मंगलबार राति १२ बजेदेखि लागू हुने गरी पेट्रोलको भाउ प्रतिलिटर २ रुपैयाँ बढाएको हो। नयाँ मूल्य अनुसार पेट्रोलको मूल्य प्रतिलिटर १०७ रुपैयाँ पुगेको छ।
निगमले डिजेल र मट्टितेलको भाउ भने यथावत राखेको छ । डिजेल र मट्टितेलको मूल्य यसअघिकै प्रतिलिटर ९१ रुपैयाँ यथावत रहने छ।
यस्तै निगमले खाना पकाउने ग्यासको मूल्य पनि यथावत नै राखेको छ ।