काठमाडौं। फर्स्ट माइक्रोफाइनान्स लघुवित्त वित्तीय संस्थाले गत आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ ।
लघुवित्त संचालक समितिको बुधबार बसेको बैठकले ९.५० प्रतिशत बोनस सेयर र कर प्रयोजनसहित ४.१८ प्रतिशत नगद गरी कुल १३.६८ प्रतिशत लाभांश दिने घोषणा गरेको हो ।
लघुवित्तले हाल कायम चुक्ता पूँजीको ९.५० प्रतिशत बराबर ७ करोड ६० लाख ७० हजार ४५४ रुपैयाँको बोनस सेयर र ३ करोड ३५ लाख ४ हजार ६८३ रुपैयाँ नगद वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृत दिएपछि र कम्पनीको आगामी साधारणसभाले पारित गरेपछि मात्र लगानीकर्ताले पाउनेछन् ।
हाल ८० करोड ७ लाख ४० हजार ७४६ रुपैयाँ चुक्त पूँजी रहेको लघुवित्तको प्रस्तावित बोनस वितरणपछि चुक्ता पूँजी ८७ करोड ६८ लाख ११ हजार पुग्नेछ ।
