काठमाडौं । डिशहोमले सुरु गरेको डिजिटल रेट्रो इंग्लिस सांगीतिक प्रतियोगिता ‘द स्ट्रिङ’ शोको दोस्रो राउण्ड शुरु भएको छ ।
पहिलो राउण्डमा उत्साहजनक सहभागी जनाएका प्रतिस्पर्धी मध्येबाट शनिबार दोस्रो चरणका लागि शीर्ष १० प्रतियोगी छनोट गरिएको छ ।
सहभागीहरुले अपलोड गरेको भिडियोमा आएको अनलाइन भोटिङ र उत्कृष्ट प्रस्तुतीको आधारमा निर्णायकहरु पेम्बा लेप्चा, निर्भाणा चौधरी र युलिया कोइरालाले उत्कृष्ट १० जना छनोट गरेका हुन् ।
छनोट हुनेहरुमा दर्पन निरौला, शिभाना श्रेष्ठ, युरिका श्रेष्ठ, तुसिता मास्के, स्वर्निम श्रेष्ठ, म्रिनल मानन्धर, सदिक्षा पोख्रेल, रिया श्रेष्ठ, सम्राट पोख्रेल र योगेन राई छन् । दोस्रो चरणमा पुगेका प्रतिस्पर्धी बीच प्रतिस्पर्धा गराई तेस्रो चरणका लागि शीर्ष ५ प्रतियोगीको छनोट हुनेछ ।
तीन राउण्डमा संचालन हुने यो सांगीतिक प्रतियोगीतामा ७० देखि ९० दशक सम्मको सफ्ट अंग्रेजी गीतहरु थुप्रै सहभागीहरुले गाएर डिशहोमको आधिकारीक फेसबुक पेजमा अपलोड गरेका थिए ।
विभिन्न समयमा डिशहोमले संचालन गर्ने यस्ता प्रतियोगीता मार्फत ग्राहकहरुले मनोरञ्जनका साथै आफ्नो प्रतिभालाई प्रस्तुत गर्ने माध्यम पनि पाउने गरेका छन् ।
७० देखि ९० दशक सम्मको सफ्ट अंग्रेजी गीत मनपराउने सम्पुर्णले यस सांगीतिक प्रतियोगीता मार्फत भरपुर मनोरञ्जन लिनुहुन्छ भन्ने डिशहोमले अपेक्षा राखेको छ । यस प्रतियोगीतामा सहभागी हुन ईच्छुक तर कारणवश सहभागीता जनाउन नसकेका भने विभिन्न समयमा डिशहोमले संचालन गर्ने क्वीज, गेमहरु मार्फत डिशहोमसँग जोडिन सक्नेछन् ।
