काठमाडौं । नेपालमा पछिल्लो २४ घण्टामा थप ८१८ जनामा कोरोना संक्रमण देखिएको छ । योसँगै संक्रमितको संख्या ३१ हजार ९३५ पुगेको छ ।
स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको परीक्षणमा काठमाडौं उपत्यकामा १६६ सहित देशका विभिन्न जिल्लाका ८१८ जनामा कोरोना पुष्टि भएको हो ।
पछिल्लो २४ घण्टामा थप २८१ जना डिस्चार्ज भएका छन् । योसँगै हालसम्म निको भई घर फर्कनेको संख्या १८ हजार ६३१ पुगेको छ ।
कोरोनाका कारण पछिल्लो २४ घण्टामा थप ३ जनाको मृत्यु भएको छ । योसँगै कोरोनाले ज्यान गुमाउनेको संख्या १४९ पुगेको छ ।
