काठमाडौं। एनआइसी एशिया लघुवित्त र स्वदेशी लघुवित्त एक आपसमा मर्ज हुने भएका छन् । आइतबार दुवै कम्पनीले मर्जर तथा एक्वीजिसन सम्बन्धी प्रारम्भिक समझदारी पत्रमा (एमओयू)मा हस्ताक्षर गरेका छन् ।
मर्जरका लागि एमओयू भएसँगै दुवै लघुवित्तको दोस्रो बजारमा सेयर कारोबार रोक्का भएको छ । मर्जर प्रक्रिया पूरा नहुन्जेलसम्मका लागि दुवै संस्थाको सेयर कारोबार रोक्का भएको हो ।
जाजरकोटको भेरी नगरपालिकास्थित एनआइसी एशिया लघुवित्त र सुनसरीको इटहरीमा मुख्य कार्यालय रहेको स्वदेशी लघुवित्त एक आपसमा गाभिन लागेका हुन्।
गत महिनामात्र सर्वसारणमा आइपीओ जारी गरेको एनआइसी एशियाको हाल चुक्ता पूँजी १ अर्ब ४८ करोड छ भने स्वदेशी लघुवित्तको चुक्ता पूँजी २७ करोड ६० लाख रुपैयाँ छ। मर्जरपछि एकीकृत संस्थाको चुक्ता पूँजी १ अर्ब ७५ करोड रुपैयाँ पुग्नेछ।
गत आवमा एनआइसी एशियाले १९ करोड ६४ लाख खुद नाफा कमाएको छ भने स्वदेशीले २ करोड ५२ लाख नाफा कमाएको छ।
