काठमाडौं । एनआइसी एसिया ग्रोथ फन्डले आर्थिक वर्ष २०७५/७६ को मुनाफाबाट लगानीकर्तालाई १०% नगद लाभांश वितरण गर्ने घोषणा गरेको छ ।
योजना व्यवस्थापक एनआइसी एसिया क्यापिटलको शुक्रबार बसेको सञ्चालक समिति बैठकले लगानीकर्तालाई गत आर्थिक वर्षको मुनाफाबाट कर सहित १०% नगद दिने घोषणा गरेको हो ।
यस आधारमा फन्डले ८ करोड ३५ लाख २० हजार रुपैयाँ बराबरको नगद प्रतिफल वितरण गर्नेछ । एनआइसी एसिया ग्रोथ फन्ड एनआइसी एसिया क्यापिटललको व्यवस्थापनमा सञ्चालित दोस्रो म्युचुअल फन्ड हो ।
यता, एनआइसी एसिया क्यापिटलकै व्यवस्थापनमा साउन ८ गतेबाट ‘एनआइसी एसिया ब्यालेन्स फन्ड’ का नाममा अर्को म्युचुअल फन्ड योजना खुला गरेको छ । यसको १२ करोड ५० लाख इकाई म्युचुअल फन्ड निष्कासन खुला भएको हो ।
