काठमाडौं । नेपाल स्टक एक्सचेञ्ज (नेप्से)ले एनआडीसी डेभलपमेन्ट बैंकको धितोपत्र सूचीकरण खारेज गरेको छ ।
एनआडीसी २०७५ बैशाख १९ गतेदेखि राष्ट्रिय वाणिज्य बैंकमा बिलय भई एकीकृत कारोबार भइसकेकाले हाल अस्तित्वमा नरहेको भन्दै नेप्सेले सूचीकरण खारेज गरेको हो ।
धितोपत्र विनियमावली २०७५, विनियम १९ बमोजिम कुनै संगठित संस्था गाभिएर, खरिद वा विलय भएर अस्तित्वमा नरहे त्यस्ता संस्थाको सूचीकरण खारेज हुने व्यवस्था छ ।
राष्ट्रिय वाणिज्य बैंकले प्राप्ति गर्ने सम्झौता भएसँगै एनआडीसीको सेयर कारोबार २०७४ भदौ १२ गतेदेखि स्थगन गरिएको थियो ।
