काठमाडौं । सेयर बजारमा हरियाली छाएको छ । आइतबार दोहोरो अंकले बढेको बजारमा आज पनि उच्च अंकको वृद्धि देखिएको ।
आज सेयर बजार मापक सूचक नेप्से ३७.७४ अंकले बढेर १४३०.४१ बिन्दुमा पुगेको छ । यसदिन १८९ कम्पनीको १ अर्ब ५५ करोड ५५ लाख १८ हजार ९२३ रुपैयाँ बराबरको कारोबार भएको छ । ४२ लाख ५२ हजार ८०८ कित्ता सेयर किनबेच भएका छन् ।
कारोबारमा आएका १२ वटा समूहमध्ये म्युचुअल फण्ड बाहेक अन्य सबै समूहको परिसूचक उकालो लागेको छ । निर्जीवन बीमा समूहको परिसूचक सबैभन्दा धेरै २८३.०८ अंकले बढेको छ ।
कोराबार रकमका आधारमा आज नेपाल पुनर्बीमा कम्पनीको सेयर शीर्ष स्थानमा रह्यो । यसको ६ करोड ९२ लाख रुपैयाँ भन्दा बढीको सेयर किनबेच भएको छ । कारोबारकै आधरमा नेपाल लाइफ इन्स्योरेन्स र अजोड इन्स्योरेन्स क्रमशः दोस्रो र तेस्रो स्थानमा रहे ।
आज २ वटा कम्पनीको मूल्यमा पोजेटिभ सर्किट लागेको छ । अजोड इन्स्योरेन्स र साधना लघुवित्तको सेयर मूल्य करिब १० प्रतिशतले बढेको छ ।
आज दिव्यश्वरी हाइड्रोपावरको सेयर मूल्य सबैभन्दा धेरै ५.७० प्रतिशतले घटेको छ ।
