काठमाडौं। निजी क्षेत्रको दूरसंचार सेवा प्रदायक कम्पनी एनसेल सार्वजनिक कम्पनीमा परिवर्तन भएको छ ।
कम्पनीले साविकको नाम एनसेल प्रालिलाई एनसेल आजियाटा लिमिटेड बनाएसँगै सार्वजनिक कम्पनी बनेको हो । यससँगै अब कम्पनीको सम्पूर्ण कामहरु एनसेल आजियाटा लिमिटेडबाट हुने कम्पनीले जनाएको छ ।
नेपाल सरकार उद्योग , वाणिज्य तथा आपूर्ति मन्त्रालय र कम्पनी रजिष्ट्रारको कार्यालयको साउन १९ गतेको निर्णय बमोजिम नाम परिर्वतन गराएको कम्पनीले जनाएको छ ।
सार्वजनिक कम्पनीमापरिणत भएसँगै अब एनसेल आजियाटालाई सर्वसाधरणमा साधरण सेयर (आइपीओ) निष्काशन गर्ने बाटो खुलेको छ । सरकारले पनि यसअघि नै रियल सेक्टरका कम्पनीहरुलाई सार्वजनिक कम्पनीमा परवर्तन भई आइपीओ जारी गर्नुपर्ने व्यवस्था गरेको छ ।
