काठमाडौं । कोरोना महामारीका कारण अन्तर्राष्ट्रिय बजारमा अस्थिर रहेको सुनचाँदीको मूल्य स्थानीय बजारमा आज अप्रत्याशित रुपमा बढेको छ ।
मङ्गलबार प्रतितोला ९९ हजार ८०० रुपैयाँमा कारोवार भएको पहेँलो धातुमा आज १ हजार ६०० तोलाको १ लाख रुपैयाँ नाघेको छ ।बजार खुल्नेबित्तिकै छापावाल सुनको मूल्य प्रतितोला १ लाख १ हजार ४०० रुपैयाँ कायम भएको छ भने सोही परिमाणको तेजाबी सुनको मूल्य १ लाख ९०० रुपैयाँ निर्धारण गरिएको छ ।
नेपाल सुनचाँदी व्यवसायी महासङ्घका अनुसार मङ्गलबारको तुलनामा आज चाँदीको मूल्य ६५ रुपैयाँ ले बढेको छ । एकतोला सेतो धातुको मूल्य आज १ हजार २९५ रुपैयाँ निर्धारण भएको छ ।
कोभिड-१९ को सङ्क्रमण रोक्न बन्दाबन्दी लागू गरिएयता जेठ २५ गते एक तोला सुनको मूल्य १० हजार ४०० ले बढेर ८७ हजार पुगेको थियो । त्यसयता सुनको मूल्य निरन्तर उकालो लागिरहेको छ ।
आज अन्तर्राष्ट्रिय बजारमा सुन प्रतिऔँस २,०२४.५३ अमेरिकी डलर कायम भएको छ । त्यसैगरी प्रतिऔँस चाँदी २५.९६ अमेरिकी डलर निर्धारण भएको छ ।
