काठमाडौं । सबैको लघुवित्त वित्तीय संस्थाको प्राथमिक साधरण सेयर (आइपीओ) बाँडफाँड भएको छ । शुक्रबार बिहान भएको बाँडफाँडमा गोलाप्रथाको माध्यमबाट ४९ हजार ५२५ जनाले १० कित्ताको दरले सेयर सेयर पाएका छन् ।
रितपूर्वक आवेदन दिएका ३ लाख १ हजार ७३८ जनामा २ लाख ५२ हजार २१३ जना रित्तो हात भएका छन् । आइपीओमा ४५४ जनाको आवेदन रद्द भएको छ ।
लघुवित्तले साउन १ देखि ५ गतेसम्म ५ लाख ३० हजार कित्ता आईपीओ निष्कासन गरेको थियो । त्यसमध्ये कम्पनीले ८ हजार २५० कित्ता शेयर लघुवित्तका कर्मचारीहरु तथा २६ हजार ५०० कित्ता शेयर सामूहिक लगानी कोषका लागि सुरक्षित गरिएको छ भने बाँकी ४ लाख ९५ हजार २५० कित्ता शेयर सर्वसाधारणमा बाँडफाँट गरिएको हो ।
