काठमाडौं । मेगा बैंक नेपालले ग्राहकलाई अत्यन्तै सस्तो ब्याजदरमा साना तथा मझौला (एसएमई) कर्जा योजना ल्याएको छ ।
बैंकले दशौं वार्षिकोत्सवको अवसर पारेर ग्राहकलाई ८.३२ प्रतिशत ब्याजदरमै कर्जा दिने गरी बैंकले नयाँ योजना ल्याएको हो ।
अब साना तथा मझौला व्यवसायीहरुले १ करोड रुपैयाँसम्मको कर्जा लिँदा ८.३२ ब्जाजदरमै कर्जा पाउनेछन् । यो ब्याजदर १ बर्षसम्म नबढ्ने बैंकले जनाएको छ ।
आवश्यक सम्पूर्ण कागजातसहित निवेदन दिएको दुई दिनमै कर्जा स्वीकृति हुने व्यवस्था मिलाइएको बैंकले जनाएको छ । बैंकका देशभरका २०६ वटै शाखाबाट यो सुविधा पाइनेछ ।
कोरोनाबाट प्रभावित पुराना व्यवसाय तथा नयाँ व्यवसाय सञ्चालनका लागि यो कर्जा योजनाले लाभ मिल्ने बैंकले विश्वास लिएको छ ।
