काठमाडौं । वाणिज्य, आपूर्ति तथा उपभोक्ता संरक्षण विभागले भाटभटेनी सुपरमार्केटलाई ३ लाख रुपैयाँ जरिवाना गरेको छ ।
विभागका अनुसार अनुगमनका क्रममा भाटभटेनी सुपरमार्केटको हनुमानस्थान आउटलेटले म्याद नाघेको बेली ब्राण्डको पानि बिक्री गरेको पाइएपछि कारबाही गरिएको हो ।
उपभोक्ता संरक्षण ऐन, २०७५ को दफा १६ (२) (क) बमोजिम अनुचित व्यापारिक क्रियाकलाप गरेकोले ३८ (ङ) को कसुरमा ३ लाख रुपैयाँ जरिवाना गरिएको विभागले जनाएको छ ।
