काठमाडौं । व्यापारिक कम्प्लेक्स सिभिल मलले व्यापारीहरुलाई ४ महिनाको भाडा आधा छुट दिएको छ ।
सिभिल मल व्यापार संघका अनुसार कोरोनाका कारण सरकारले गरेको लकडाउन अवधिको ४ महिनाको मासिक भाडादरमा ५० प्रतिशत छुट दिइएको छ ।
लकडाउनको अवधिमा सम्पूर्ण पसल बन्द गरिएकाले व्यवसायीलाई पूरै भाडा तिर्न समस्या हुने भन्दै मलले चैतदेखि असारसम्मको भाडा ५० प्रतिशत छुट गरिदिएको हो ।
यस्तै मलले साउन, भदौ र असोज गरी तीन महिनाको भाडामा समेत ४० प्रतिशत छुट दिने भएको छ । कात्तिकबाट १ वर्षसम्मको अवधिमा पसलहरुको प्रकृतिअनुसार ६ देखि १० प्रतिशतसम्म छुट दिने मल व्यवस्थापनले जनाएको छ ।
मलका व्यवसायीहरुले असार १ गतेबाट पसल सञ्चालनमा ल्याए पनि व्यापार शून्य अवस्थामा रहेको भन्दै भाडामा छुट दिन व्यवस्थापनसँग माग गर्दै आएका थिए ।