काठमाडौं । राजश्व अनुसन्धान विभागले करिब ४ अर्ब राजश्व छली गरेको आरोपमा दुई कम्पनी विरुद्ध मुद्दा दायर गरेको छ ।
विभागले भन्सार, भ्याट र आयकर छली गरी ३ अर्ब ८२ करोड रुपैयाँ राजश्व छली गरेको आरोपमा काठमाडौंको हाइटेक इन्टरनेशनल प्रालि र ललितपुरको जेएसएस मोबाइल एण्ड सर्भिसेजका सञ्चालकविरुद्ध उच्च अदालत पाटनमा मुद्दा दर्ता गरेको हो ।
विभागले हाइटेक इन्टरनेशनल विरुद्ध २ अर्ब ४२ करोड ९८ हजार ७६ हजार १४० रुपैयाँ बराबरको बिगो दाबीसहित मुद्दा दर्ता गरेको हो ।
त्यसैगरी जेएसएस मोबाइल एण्ड सर्भिसेज प्रालिका सञ्चालक र प्रोप्राइटर तथा मुख्य कारोबारी समेत ४ जनालाई राजश्व चुहावट गरेको अभियोगमा १ अर्ब ३९ करोड ७ लाख बिगो कायम गरी मुद्दा दर्ता गरेको हो ।
ती दुवै कम्पनी विरुद्ध बिगो असुल उपरर कैद सजाय समेत मागदाबी गर्दै मुद्दा दर्ता गरिएको अख्तियारले जनाएको छ।
