काठमाडौं । साधना लघुवित्तले जारी गरेको प्राथमिक साधरण सेयर (आइपीओ) बाँडफाँट भएको छ ।
ग्लोबल आइएमई क्यापिटलमा आज गरिएको बाँडफाँटमा ६६ हजार १५२ जना आवेदकले मात्र १० कित्ताका दरले सेयर पाएका छन् । यो कुल आवेदकको १५ प्रतिशत मात्र हो ।
लघुवित्तको आइपीओमा आवेदन दिएका ८५ प्रतिशत अर्थात ३ लाख ८१ हजार ६७७ जना लगानीकर्ताको हात रित्तो भएको छ ।
केही समय अघि आर्थिक सम्वृद्धि लघुवित्तलाई प्राप्ती गरेर एकीकृत कारोबार थालेको लघुवित्तले असार २१ गतेदेखि ७ करोड ७ लाख ८० हजार बराबरको ७ लाख ७ हजार ८०० कित्ता आइपीओ निष्काशन गरेको थियो । जसमा कुल ४ लाख ४८ हजार ६४० जनाले आवेदन थिएका थिए ।
निष्काशित आइपीओमध्ये १० हजार ८९० कित्ता कम्पनीका कर्मचारी र ३५ हजार ३९० कित्ता सामूहिक लगानी कोषहरुका लागि छुट्याइएको थियो । सर्वसाधारणमा ६ लाख ६१ हजार ५२० कित्ता जारी गरिएको थियो ।
