काठमाडौैं । संघीय संसदको विकास तथा प्रविधि समितिले स्वास्थ्य मापदण्ड पूरा गर्दै ट्याक्सी सञ्चालनका लागि आवश्यक व्यवस्था मिलाउन भौतिक पूर्वाधार तथा यातायात मन्त्रालयलाई निर्देशन दिएको छ ।
समितिको आज बसेको बैठकले विश्व स्वास्थ्य संगठन, नेपाल सरकार स्वास्थ्य तथा जनसंख्या मन्त्रालय र कोभिड १९ क्राइसिस मेनेजमेन्ट कमिटीले तयार पारेको मापदण्डहरु पूरा गरी लकडाउनकै अवधिमा ट्याक्सी गुडाउन व्यवस्था गर्न मन्त्रालयलाई निर्देशन दिएको हो ।
समितिकी सभापति कल्याणी खड्काले ट्याक्सी सञ्चालक मजदूरहरुको दैनिकी चलाउन धौधौ परेको र आत्महत्यासम्मका घटरना देखापरेको भन्दै ट्याक्सी सञ्चालनका लागि आवश्यक व्यवस्था मिलाउन मन्त्रालयलाई निर्देशन दिइएको बताइन् ।
यस्तै सार्वजनिक सवारी सञ्चालनका विषयमा भने फेरि असार २५ गते समितिको अर्को बैठक बस्ने छ ।
