काठमाडौं । रिलायन्स लाइफ इन्स्योरेन्सले साधारण सेयर (आइपीओ) निष्काशनका लागि नेपाल धितोपत्र बोर्डमा आवेदन दिएको छ ।
कम्पनीले १०० रुपैयाँ अंकित मूल्यमा ६३ करोड रुपैयाँ बराबरको ६३ लाख कित्ता प्राथमिक सेयर निष्काशन गर्न बोर्डमा अनुमति माग गरेको हो ।
बीमा कम्पनीले तोकेको न्यूनतम चुक्ता पूँजी २ अर्ब पुर्याउन कम्पनीले आइपीओ निष्काशन गर्न लागेको हो ।
हाल १ अर्ब ४७ करोड चुक्ता पूँजी रहेको कम्पनीको आइपीओ निष्काशनपछि चुक्ता पूँजी २ अर्ब १० करोड रुपैयाँ पुग्नेछ ।
कम्पनीले आईपीओ निष्काशनका लागि बिक्री प्रबन्धकमा सानिमा क्यापिटललाई नियुक्त गरिसकेको छ ।