काठमाडौं । लामो समयपछि खुलेको सेयर बजारमा कारोबार खुलेको १ घण्टा नबित्दै सर्किट लागेको छ ।
डेढमहिनापछि खुलेको बजार १ घण्टा नबित्दै ४ प्रतिशतभन्दा बढीले घटेपछि सर्किट लागेर २० मिनेटका लागि कारोबार स्थगन भएको छ ।
कारोबार सुरु भएको ३९ मिेटमै बजार सूचक ४ प्रतिशत भन्दा बढी अर्थात् ४८ अंकले घटेपछि कारोबार २० मिनेटका लागि रोकिएको छ । यस अवधिसम्ममा ८ करोडभन्दा बढीको कारोबार भएको छ ।
नेप्सेको नियम अनुसार कारोबार सुरु भएको १ घण्टाभित्र नेप्से ४ प्रतिशतले घटेमा वा बढेमा २० मिनेटसम्मका लागि कारोबार स्थगित हुने व्यवस्था छ ।
त्यस्तै, पुनः कारोबार सुरु भएको एक घण्टाभित्र ५ प्रतिशतले बढेमा वा घटेमा ३० मिनेट कारोबार स्थगित हुनेछ। परिसूचकमा ६ प्रतिशतको अन्तरपछि त्यस दिनका लागि नै कारोबार स्थगित हुनेछ।
