काठमाडां । नेपाल पुनर्बीमा कम्पनीको सेयर कारोबार सुरु भएको छ ।
गत चैतमा १ अर्ब ६० करोड रुपैयाँ बराबरको आइपीओ जारी गरेको कम्पनीको कारोबार खुलेकै दिनमा लगानीकर्ता सेयर बेच्न हतारिएका छन् ।
कम्पनीको पहिलो कारोबार ४२४ रुपैयाँमा भएको थियो । कारोबार खुल्नसाथ ८ रुपैयाँले भाउ बढेको कम्पनीको सेयर मूल्य कारोबारको १५ मिनेटमै करिब १० प्रतशतले घटेपछि सेयर बेच्नेको ओइरो लागेको छ ।
सेयर कारोबार भएको पहिलो दिनमै कम्पनीको सेयर बेच्नेको ओइरो लागेको छ ।कारोबार सुरुभएको ४५ मिनेटमै कम्पनीको २१ हजारभन्दा बढी सेयर विक्रीमा हुँदा खरिदकर्ता भने एकजना पनि छैनन् ।
१० अर्ब चुक्ता पूँजी रहेको कम्पनीको ८ करोड ४० लाख कित्ता संस्थापक र १ करोड ६० लाख कित्ता सर्वसाधरणको सेयर छ ।
