काठमाडौं । एभरेष्ट बैंक लिमिटेडले सिरहाका बाढी प्रभावितका लागि सहयोग उपलब्ध गराएको छ । सिरहा पटेर्वाका बाढी पीडितलाई खाद्यान्न, भाँडाकुँडा, बालबालिकाका लागि स्कुल व्याग, कपडालगायतका विभिन्न राहत सामग्री वितरण गरेको हो ।
बैंकका तर्फबाट राहतका लागि ओमेन फ्रेण्ड्ली ग्रुपअन्तर्गत मिडिया एड्भोकेसी ग्रुपलाई शुक्रबार ३ लाख रुपैयाँको चेक हस्तान्तरण गरेको छ ।
चेक हस्तान्तरण कार्यक्रममा सिरहाका प्रमुख जिल्ला अधिकारी गोपालकुमार अधिकारी, प्रहरी उपरिक्षक उमाप्रसाद चतुर्वेदी, सशस्त्र प्रहरी उपरिक्षक सोम गुरुङलगायतको सहभागिता थियो । सो रकमबाट स्थानीय बाढी प्रभावितलाई राहत सामग्री वितरण गरिने बताइएको छ ।
एभरेष्ट बैंकको अहिले १० लाख भन्दा बढि ग्राहक रहेका छन् । बैंकले हाल ९४ वटा शाखाहरु, २८ राजस्व सङ्कलन काउन्टरबाट बैंकिङ्ग सेवा प्रदान गर्दै आएको छ । बैंकको १२० एटिएम मार्फत ग्राहकलाई सेवा/सुविधा प्रदान गर्दै आइरहेको छ ।
बैंक सामाजिक क्रियाकलापमा सक्रिय रहँदै आएको छ । बैंकले संस्थागत सामाजिक उत्तरदायित्व अन्तर्गत ग्राहकहरुलाई लाभ हुने विभिन्न कार्यक्रमहरु आयोजन गर्दै आइरहेको छ ।
