काठमाडौं । नेपाल इन्भेष्टमेन्ट बैंकले इटालीको अदालतमा २ अर्ब बढीको रुपैयाँको मुद्दा जितेको छ।
बैंकले तनहुँ जलविद्युत् आयोजनाको ठेक्का सम्बन्धी मुद्दा जितेको हो । बैंकले मेलम्ची खानेपानीको समेत ठेक्का तोडेर भागेको इटालियन निर्माण कम्पनीको अपरेटिभा मुराटोरी ए सेमेन्टिस्टी (सीएमसी) विरुद्धको पर्फमेन्ट ग्यारेन्टी भुक्तानीसम्बन्धी मुद्दा जितेको हो ।
सीएमसीले हालेको मुद्दामा इटालीको बोलोङनास्थित ट्राइब्युनल डे बोलोङ्नामा तीनजना न्यायाधीशको इजलासले बैंकको पक्षमा फैसला गरिदिएको हो ।
यो फैसलासँगै बैंकले काउन्टर ग्यारेन्टीबापत तनहुँ हाइड्रोपावरलाई भुक्तानी गरिदिएको २ अर्ब ४ करोड रुपैयाँ इन्भेष्टमेन्टले इटलीको इन्टेसा सानपाओलो बैंकबाट फिर्ता पाउने भएको छ ।यससँगै बैंकको नाफा बढ्न सहयोग पुग्ने छ ।
