बजेटमा सेयर बजारका लागि के-के भए व्यवस्था
चाणक्य पोष्ट
प्रकाशित : 9:25 am, शुक्रबार, जेठ १६, २०७७

काठमाडौं । सरकारले आगामी आर्थिक वर्ष २०७७/७८ का लागि ल्याएको बजेटले सेयर बजारका लागि कुनै राहत तथा सहुलियत प्याकेजको व्यवस्था गरिएको छैन ।

 

२ महिनाभन्दा बढी बन्द भएको बजार विकास तथा विस्तारका लागि कुनै ठोस आर्थिक प्याकेज बजेटमा समेटिएको छैन । यद्यपि बजारलाई व्यवस्थित तथा विस्तारका लागि केही नीतिगत व्यवस्था भने गरिएको छ ।

 

बजेटमा पूँजी बजारको दायरा विस्तार गरी ऋणपत्रको दोस्रो बजार कारोबार शुरु गरिने उल्लेख गरिएको छ ।

 

यसैगरी, नेपाल स्टक एक्सचेञ्ज (नेप्से)दोस्रो बजार कारोबारलाई पूर्ण रूपमा विद्युतीय प्रविधिमा आधारित बनाउने, पूँजी बजारमा संस्थागत लगानी अभिवृद्धि गर्न आगामी आर्थिक वर्ष स्टक डिलर सञ्चालनमा ल्याइने बजेटमा व्यवस्था गरिएको छ ।

 

यसैगरी वस्तु विनिमय बजार सञ्चा्लनमा ल्याउन आवश्यक व्यवस्था मिलाउने र धितोपत्र बोर्ड, नेप्से र सीडीएस एण्ड क्लियरिङको संरचनात्मक सुधार गरिने बजेटमा उल्लेख गरिएको छ ।