काठमाडौं । सरकारले सुन, डिजेल र पेट्रोलमा भन्सार शुल्क बढाएको छ।
अर्थमन्त्री डा. युवराज खतिवडाले संघीय संसदको दुवै सदनको संयुक्त बैठकमा आगामी वर्ष २०७७/७८को बजेट सार्वजनिक गर्दै सुन र सुनका गरहनामा भन्सार शुल्क सामान्य वृद्धि गरेको घोषणा गरेका हुन् ।
त्यस्तै, हवाई इन्धन र एलपी ग्यासबाहेकका डिजेल, पेट्रोल, मट्टीतेल लगायत पेट्रोलियम पदार्थको भन्सार शुल्कमा पनि सामान्य वृद्धि गरिएको घोषणा गरेका छन् ।
त्यस्तै, चुरोट, गुट्खा, पान मसला लगायतमा लाग्दै आएको स्वास्थ्य जोखिम करमा सामान्य वृद्धि गरिएको उनले बताए।
बजेटमार्फत एक दजर्न बढी वस्तुमा लाग्दै आएको अन्तःशुल्क भने हटाइएको छ ।