एशियाली विकास बैंक (एडीबी)ले कोरोना भाइरस महामारीको कारण विश्व अर्थतन्त्रमा ५८ देखि ८८ खर्ब डलरसम्मको नोक्सानी हुन सक्ने प्रक्षेपण गरेको छ ।
यो विश्व कुल गार्हस्थ उत्पादनको ६.४ देखि ९.७ प्रतिशत हो। एडीबीले गरेको नोक्सानीको यो प्रक्षेपण गत महिना गरिएको प्रक्षेपणभन्दा दोब्बरभन्दा बढी हो ।
अहिले विश्वभर कोरोना भाइरसको महामारीको कारण आर्थिक गतिविधिहरु सुस्ताइरहेको अवस्थामा यस्तो प्रक्षेपण सार्वजनिक भएको हो ।
एडीबीको अद्यावधिक एसिसमेन्ट अनुसार एसिया क्षेत्रमा १७ देखि २५ खर्ब डलरसम्मको नोक्सानी हुन सक्ने छ। एडीबीको प्रक्षेपण अनुसार कोरोनाका कारण चीनले मात्रै ११ देखि १६ खर्बसम्म गुमाउन सक्ने बताइएको छ ।
कोरोनाका कारण विश्वका १ अर्ब ५८ करोडदेखि २ अर्ब ४२ करोड मानिसको रोजगारी गुम्ने अनुमान गरिएको छ ।
एडीबीका अनुसार अहिले गरिएको प्रक्षेपण व्यावसायिक क्षेत्रमा देखिएको असर ६ महिनासम्म कायम रहने अनुमानमा आधारित हो । तर, प्रक्षेपण अनुसारको सबैभन्दा कम क्षति भने तीन महिनासम्मको व्यवसायहरु प्रभावित हुने अनुमान अनुसार गरिएको हो ।
अहिले विश्वभर आर्थिक संकट सिर्जना हुने आशंकामा विश्वभरका केन्द्रीय बैंकहरुले आक्रामकरुपमा ब्याजदर कटौती गरिरहेका छन् । साथै अत्यधिक राहतको प्याकेज ल्याउने क्रम पनि जारी छ ।
-एजेन्सी
