काठमाडौं । भारतले थङथिलो भएको अर्थतन्त्र उकास्न २० लाख करोड रुपैयाँको आर्थिक प्योकज घोषणा गरेको छ ।
प्रधानमन्त्री नरेन्द्र मोदीले मंगलबार देशवासीको नाममा सम्बोधन गर्दै २० लाख करोड रुपैयाँको आर्थिक प्याकेज ल्याउने घोषणा गरेका हुन् ।
यो प्याकेज भारतको कुल गार्हस्थ उत्पादन (जीडीपी) को १० प्रतिशत भएको उनले बताएका छन् ।
प्रधानमन्त्री मोदीले आत्मनिर्भर भारतको संकल्प पूरा गर्न आर्थिक प्याकेज ल्याइएको बताए । यो प्याकेज ल्याण्ड, लेबर, लिक्वीडिटी जस्ता समस्या सम्बोधन गर्न ल्याइएको उनले बताए ।
आर्थिक प्याकेज भारतको श्रमिक र किसान, मध्यमवर्ग र उद्योगहरुका लागि ल्याइएको मोदीले सम्बोधनका क्रममा बताए ।
