काठमाडौं । निजी क्षेत्रको दूरसञ्चार सेवा प्रदायक कम्पनी एनसेल प्रालिले आइतबार आफूले तिर्नु पर्ने सबै पूँजीगत लाभकर बुझाएको छ ।
एनसेलले आफ्नो सेयर स्वामित्व खरिद बिक्री बापत तिर्नुपर्ने बाँकी रकम १४ अर्ब ३३ करोड ५६ लाख ५२ हजार ५४६ रुपैयाँ पूँजीगत लाभकर तिरेको ठूला करदाता कार्यालयले जनाएको छ ।
यससँगै उसले तिनुपर्ने कर चुक्ता भएको छ । एनसेलले दुई साताअघि ४ अर्ब ६० करोड बुझाएको थियो । एनसेलले सरकारलाई कुल २३ अर्ब ४३ करोड ५६ लाख ५२ हजार ५४६ रुपैयाँ पूँजीगत लाभकर बुझाएको छ ।
