काठमाडौं । सार्वजनिक निकायहरुले ठेक्का आह्वानको समय आफैले चाहेजति थप गर्न पाउने भएका छन् ।
सार्वजनिक खरिद अनुगमनको कार्यालयले सूचना जारी गर्दै सार्वजनिक निकायले बोलपत्र, आशयपत्र र शिलबन्दी दरभाउको पेश गर्ने अन्तिम मिति समाप्त नहुँदै आवश्यकता अनुसार समय थप गर्न सक्ने जनाएको हो ।
सरकारले वैशाख ३ गतेसम्म लकडाउन गरेका कारण सबै निकायले निर्धारित समयमै ठेक्का आह्वान गर्न नसक्ने भएपछि कार्यालयले यस्तो व्यवस्था गरेको हो ।
अब सार्वजनिक निकायले विद्युतीय खरिद प्रणालीमा सूचना प्रकाशन गरी आह्वान गरिएको ठेक्काको म्याद सकिए पनि आवश्यकता अनुसार आफैले ठेक्काको म्याद थप गर्न सक्ने भएका छन् ।
