काठमाडौं । विश्वभर महामारीको रुपमा फैलिएको कोरोना भाइरसको रोकथाम तथा नियन्त्रणका लागि वाणिज्य बैंकहरुले पनि आफ्नोतर्फबाट सहयोग गरेका छन् ।
सरकारले स्थापना गरेको ‘कोरोना भाइरस संक्रमण रोकथाम, नियन्त्रण तथा उपचार कोष’ मा २२ वाणिज्य बैंकले २५ करोड ४० लाख रुपैयाँ रकम सहयोग गर्ने घोषणा गरेका हुन् । बैंकहरुले आफूले दिने रकम केहीले जम्मा गरिसकेका छन् भने केहीले छिट्टै जम्मा गर्ने बताएका छन् ।
बैंकहरुले आफ्नो सामाजिक उत्तरदायित्व अन्तर्गत विपत्को बेलामा सरकारलाई सहयोग गरेको बताएका छन् । केही बैंकले संघीय सरकारको कोषमा मात्र रकम जम्मा गर्ने भएका छन् भने केहीले संघीयसाथै प्रदेश सरकारका लागि पनि सहयोग रकम छुट्याएका छन् ।
हालसम्म सहयोग गर्ने बैंकहरुमा सबैभन्दा प्राइम कमर्शियल बैंकले १ करोड ७५ लाख सहयोग गरेको छ । यस्तै, नेपाल, राष्ट्रिय वाणिज्य, सानिमा, एनएमबी बैंकले पनि डेढ करोडभन्दा बढी सहयोग गरेका छन् ।
कोरोना भाइरसको संक्रमणबाट बैंकिङ क्षेत्र पनि प्रभावित भएको बताउँदै बैंकहरुले सरकारको कार्यक्रमलाई सहयोग गर्ने प्रतिबद्धता समेत जनाएका छन् ।
हालसम्म सरकारले स्थापना गरेको कोषमा २ अर्बभन्दा बढी रकम जम्मा भइसकेको छ । कोषमा विभन्न कर्पोरेट हाउस, सामाजिक संघसस्था, व्यक्ति, बैंक तथा वित्तीय संस्था, सरकारी कर्मचारी लयागतले रकम जम्मा गरेका छन् ।
सहयोग रकम घोषणा गर्ने बैंकहरु र रकम :
स्रोत : सम्बन्धित बैंकहरुले जारी गरेको प्रेस विज्ञप्ति
