कोरोनाविरुद्ध कसरी लड्ने, यस्ता छन् विश्व स्वास्थ्य संगठनका सुझाव
चाणक्य पोष्ट
प्रकाशित : 1:56 pm, सोमबार, चैत १०, २०७६

सन् २०१९ को अन्त्यतिर चीनको वुहानबाट शुरु भएको कोरोना भाइरसको प्रकोप यतिबेला विश्वका १९२ देशमा फैलिसकेको छ ।
विश्वका विकसित र शक्तिशाली मानिएका अमेरिका, युरोपियन देशहरू यसबाट ग्रसित बनेका छन् ।

 

कोरोनाको संक्रमण विश्वव्यापी रुपमा दिनदिनै तीव्र गतिमा फैलिरहेको छ । आज (मार्च २३ बिहान) सम्म विश्वका करिब ३ लाख ४० हजार व्यक्ति संक्रमित भएका छन् भने १४ हजार ७ सयको मृत्यु भइसकेको छ ।

 

अहिले कोरोनाले पूरै विश्वलाई नै आक्रान्त पारेको छ । यस्तो अवस्थामा सबैले सावधानी अपानाउनु नै बुद्धिमानी हुन्छ । कोरोनाको संक्रमणबाट बच्न भीडभाड बाट टाढा रहने, सकेसम्म घरभित्रै क्वारेन्टाइनमा बस्ने लगायत सतर्कता अपनाउनु पर्छ ।

 

यस्ता छन् कोरोना विरुद्ध लड्न विश्व स्वास्थ्य संगठनले दिएका सुझाव : 

 

१. स्वस्थ र पौष्टिक आहार खानुहोस, जसले तपाईंको रोग प्रतिरक्षा प्रणालीलाई ठीकसँग कार्य सम्पादन गर्न सहयोग गर्दछ ।

 

२. मदिराज्य पदार्थको सेवनलाई सीमित गर्नुहोस् । गुलियो पेय पदार्थहरु नलिनुहोस् ।

 

३. धूम्रपान नगर्नुहोस । यदि तपाईं कोरोना भाइरसबाट संक्रमित हुनु भयो भने धूमपानले गम्भीर रोगको जोखिम बढाउन सक्छ ।

 

४. शारीरिक व्यायम गर्नुहोस । विश्व स्वास्थ्य संगठनको मापदण्डले भने झैँ वयस्कहरुले दैनिक कम्तिमा ३० मिनेट र बच्चाहरुलाई दैनिक १ घण्टा शारीरिक व्यायम गर्न लगाउनु होस् ।

 

५. यदि तपाईं घरभित्रै लकडाउन अर्थात बाहिर निस्कन सक्ने अवस्थामा हुनु हुन्न भने व्यायाम गर्नुहोस्, नाच्नुहोस्, योगा गर्नुहोस् ।

 

६. यदि तपाईंलाई यो बेला नियमक निकायले अनुमति दिएको छ भने बाहिर पैदल यात्रा गर्नुहोस, दौडनु होस, सवारीमा समेत जानुहोस तर अरुसंगको दूरी राख्नुहोस ।

 

७. घरमै बस्नु भएको छ काम गरिराख्नु भएको छ भने लामो समय एउटै आसनमा नरहनुहोस । तपाईंले कम्तिमा हरेक ३० मिनेटमा ब्रेक लिनुहोस् । घरमा कसरी स्वस्थ रहेर बस्ने भन्ने बारेमा हामी आउने दिनमा पनि सल्लाह दिनेछौँ ।

 

८. तपाईंको मानसिक स्वास्थ्यमा ख्याल गर्नुहोस् । यो संकटको बेला तनाव अलमल र डराउनु सामान्य कुरा हो ।

 

९. यस्तो बेलामा तपाईंले आफ्ना चिनजान र विश्वासिला व्यक्तिसंग कुरा गर्ने गर्नुहोस । संगीत सुन्नुहोस, किताब पढनुहोस् अथवा गेम खेल्नुहोस् ।

-एजेन्सी

Advertisement Section