काठमाडौं । सरकारले कतारका लागि श्रम स्वीकृति दिन बन्द गरेको छ ।
कोरोनाको संभावित जोखिमलाई न्यूनीकरण गर्न भन्दै कतारले नेपालसहित १४ देशका नागरिकलाई प्रवेशमा अस्थायी प्रतिबन्ध लगाएपछि वैदेशिक रोजगार विभागले मंलबारदेखि श्रम स्वीकृति दिन बन्द गरेको हो ।
विभागबाट फागुन १६ देखि फागुन २६ गतेसम्म कतार जानका लागि ३ हजार ६०५ जनाले अन्तिम श्रम स्वीकृति लिएका थिए । अन्तिम श्रम स्वीकृति लिएर कतार पुगिसकेका बाहेक अन्य नेपालीलाई कतारले प्रवेशमा रोक लगाइसकेको छ ।
कतार नेपालीको प्रमुख श्रम गन्तव्य मुलुक हो । हाल कतारमा ५ लाख हाराहारीमा नेपाली कामदार रहेको बताइएको छ ।