काठमाडौं । सेञ्चुरी कमर्सियल बैंकले चैत १४ गते नवौं वार्षिक साधारण सभा बोलाएको छ । बैंकको साधरण सभा त्रिभुवन आर्मी अफिसर्स क्लब भद्रकालीमा बिहान ११ बजे शुरु हुनेछ ।
बैंकले साधरण सभामा गत आर्थिक वर्षको नाफाबाट शेयरधनीलाई घोषणा गरेको ६.७५ लाभांश पारित गर्ने प्रस्ताव मुख्य एजेन्डाको रुपमा लैजाने भएको छ । बैंकले आर्थिक वर्षको नाफाबाट २ प्रतिशत बोनस र ४.७५ प्रतिशत नगद लाभांश दिने प्रस्ताव गरेको छ ।
यस्तै, बैंकले सभामा गत आर्थिक वर्षको लेखापरीक्षण प्रतिवेदन पारित गर्ने लगायतका प्रस्तावहरु पनि लैजाने भएको छ ।
बैंकले साधरणसभा प्रयोजनका लागि फागुन ३० गते बुक क्लोज मिति तोकेको छ । यस अनुसार फागुन २९ गतेसम्म कायम शेयरधनीले मात्रै लाभांश पाउनेछन् ।
हाल ८ अर्ब ४१ करोड ५४ लाख ७१ हजार ५७६ रुपैयाँ चुक्ता पूँजी रहेको बैंकको बोनस वितरणपछि ८ अर्ब ५८ करोड ३७ लाख ८१ हजार रुपैयाँ पुग्नेछ।
