काठमाडौं । रुघाखोकी लागे वा ज्वरो आएमा अब बुद्ध एयरको टिकट रद्द गर्न पाइने भएको छ । कम्पनीले यस्तो लक्षण देखिएमा टेलिफोनमार्फत् टिकट रद्द गरेर नियमानुसार भाडा फिर्ता लिन सकिने व्यवस्था गरेको हो ।
कम्पनीले आफ्नो फेसबुक पेजमा सूचनामा जारी गर्दै ‘कोरोना भाइरसको मुख्य लक्षण रुघाखोकी र ज्वरो आएका व्यक्ति वा आफन्तले पनि हवाईयात्रा नगरिदिनुहुन वा विमानस्थल नगइदिनुहुन आग्रह गर्दछौं’ भनेको छ ।
सूचनामा टिकट रद्द गर्नु परेमा ०१–५५४२४९४ मा सम्पर्क गर्न सकिने उल्लेख गरिएको छ । त्यसैगरी एयरलाइन्सले रुघाखेकी वा ज्वरो आएका आफन्त विमानस्थलमा नगइदिन आग्रह समेत गरेको छ।
