काठमाडौं। नेपाल इन्भेष्टमेन्ट बैंकको नाफा १५.६६ प्रतिशतले घटेर १ अर्ब ६६ करोड ६१ लाख १२ हजार रुपैयाँमा खुम्चिएको छ । गत वर्ष यसैअवधिमा बैंकले १ अर्ब ९७ करोड ५५ लाख ७२ हजार रुपैयाँ नाफा कमाएको थियो । बैंकको खुद ब्याज आम्दानी र सञ्चालन नाफा दुबै घटेको छ ।
बैंकको खुद ब्याज आम्दानी ७.५४ प्रतिशतले घटेर ३ अर्ब ६ करोड ३३ लाख ५५ हजार रुपैयाँमा आएको छ । त्यस्तै, सञ्चालन नाफा पनि १६.२७ प्रतिशतले घटेर २ अर्ब ३८ करोड ८ लाख ८० हजार रुपैयाँमा झरेको छ । बैंकको खराब कर्जा पनि बढेको छ ।
बैंकको प्रतिसेयर आम्दानी पनि घटेको छ । प्रतिसेयर आम्दानी १० रुपैयाँ ५६ पैसाले घटेर २३ रुपैयाँ ४३ पैसामा आइपुगेको छ । प्रतिसेयर नेटवर्थ १८४ रुपैयाँ रहेको छ ।
