काठमाडौं । चालु आर्थिक वर्षको दोस्रो त्रैमाससम्म सिद्धार्थ बैंकले १ अर्ब २ करोड रुपैयाँ खुद नाफा कमाएको छ । यो भनेको गत वर्ष भन्दा ४.०१ प्रतिशतले कम हो । गत वर्षको सोही अवधिसम्म बैंकले १ अर्ब ६ करोड रुपैयाँ कमाएको थियो ।
बैंकले निक्षेप १०.११ प्रतिशतले बढाएर १ अर्ब २६ अर्ब रुपैयाँ पुर्याएको छ । यसैगरी कर्जा प्रवाह पनि १२.८६ प्रतिशतले बढाएर १ खर्ब १८ अर्ब पुर्याएको छ । बैंकको कुल व्याज आम्दानी २१.१९ प्रतिशतले बढाएर २.७७ अर्ब पुर्याएको छ ।
बैंकको चुक्ता पूँजी ९ अर्ब ७८ अर्ब रहेको छ भने जगेडा कोषमा झण्डै ५ अर्ब रुपैयाँ छ । बैंकको खराब कर्जा १.६४ प्रतिशतबाट घटेर १.५५ प्रतिशतमा आइपुगेको छ ।
सेयरधनीहरुको सर्वाधिक चासो हुने दुई सूचकहरु प्रति सेयर आम्दानी र मूल्य आम्दानी अनुपात क्रमशः २०.९८ रुपैयाँ र १५.०६ गुणा रहेको छ ।
उता सानिमा बैंकले भने १६.८४ प्रतिशतले खुद नाफा बढाएको छ । बैंकको खुद नाफा गत वर्ष दोस्रो त्रैमाससम्म ९८ करोड २० लाख रुपैयाँ थियो भने यो वर्ष १ अर्ब १४ करोड रुपैयाँ पुगेको छ ।
बैंकले निक्षेप ११.११ प्रतिशतले बढाएर ९९ अर्ब ३० करोड पुर्याएको छ । यसैगरी कर्जा परिचालन पनि ८.९६ प्रतिशतले बढाएर ८८ अर्ब ७१ करोड रुपैयाँ पुर्याएको छ । बैंकको कुल व्याज आम्दानी पनि १३.५४ प्रतिशतले बढेर १ अर्ब १६ करोड रुपैयाँ पुगेको छ ।
३ अर्ब ९० करोड रुपैयाँ जगेडा कोषमा भएको बैंकको चुक्ता पूँजी ८ अर्ब ८० करोड रुपैयाँ छ । खराब कर्जा थोरै बढेर ०.२४ प्रतिशतबाट ०.४१ प्रतिशत पुगेको छ ।
बैंकको प्रति सेयर आम्दानी २६.०७ रुपैयाँ छ भने मूल्य आम्दानी अनुपात १३.१५ गुणा रहेको छ ।
