बिश्व बैंकले नेपालमा भुकम्प पछिको पूननिर्माणको लागि ‘भुकम्प आवास पुननिर्माण योजना’लाई थप २० करोड अमेरिकी डलर ऋण सहायता उपलब्ध गराएको छ ।
भुकम्प आवास पुननिर्माण योजना र थप ऋणले नेपाल सरकारको छाता आवास निर्माण योजनालाई सहयोग पुग्ने बिश्व बैंकले जनाएको छ । सरकारको आवास निर्माण योजनाले भुकम्प प्रतिरोधक घरहरु बनाउनका लागि योग्य हकदारहरुलाई अनुदान दिइरहेको छ ।
दास्रो ऋण सहायताले ३२ जिल्लामा थप ८६ हजार ६ सय ८० घरहरु पूननिर्माणलाई गति दिने बिश्व बैंकले जनाएको छ ।
नेपालमा भुकम्पले कुल ग्राहस्थ उत्पादनको ३५ प्रतिशतको हाराहारी प्रभाव पारेको जनाइएको छ, जसको पूननिर्माणको लागि ७ अर्ब डलर लाग्ने अनुमान गरिएको छ ।
