काठमाडौं । नेपाल बैंक लिमिटेड र वात्सल्य नेचुरल आईभीएफ प्रालि बीच विशेष छुट सम्बन्धी सम्झौता भएको छ ।
सम्झौतापत्रमा बैंकको तर्फबाट सहायक प्रमुख कार्यकारी अधिकृत प्रकाशकुमार अधिकारी र वात्सल्य नेचुरल आईभीएफ प्रालिको तर्फबाट डिजिटल तथा मिडिया प्रबन्धक नवीन विष्टले हस्ताक्षर गरे ।
सम्झौता अनुसार बैंकका कार्यरत कर्मचारी र बैंकमा खाता रहेका ग्राहकहरूलाई वात्सल्य नेचुरलका विभिन्न स्थानहरूमा रहेका अस्पताल र क्लिनिकहरूमा उपचार गर्दा लाग्ने शुल्कमा विशेष छुट पाउने छन् ।
नेपाल बैंक लिमिटेडमा कार्यरत कर्मचारीहरू र ग्राहकहरूलाई प्याथोलोजी र औषधी सेवामा ५ देखि १५ प्रतिशतसम्म छुट पाउने छन् ।
त्यस्तै, आईभीएफ प्याकेजमा कर्मचारीहरूलाई १५ हजार र नेपाल बैंक लिमिटेडका ग्राहकहरूलाई १० हजार रुपैयाँ छुट पाउने बैंकले जनाएको छ ।
यसबाट नेपाल बैंकका कार्यरत कर्मचारीहरू र बैंकमा खाता रहेका ग्राहकहरूले काठमाडौंस्थित नक्साल, भक्तपुर, ललितपुर, भरतपुर, नेपालगञ्ज, पोखरा र बुटवलमा अवस्थित वात्सल्य नेचुरल आईभीएफका अस्पताल र क्लिनिकहरूले प्रदान गर्ने उच्च स्तरीय उपचार सेवाबाट लाभान्वित हुन सक्नेछन् ।
