काठमाडौं । नेपाल राष्ट्र बैंकले विद्युतीय सवारी (ईभी)को कर्जा लगानीमा कडाइ गरेको छ ।
राष्ट्र बैंकले मंगलबार चालु आर्थिक वर्षको मौद्रिक नीतिको अर्धवार्षिक समीक्षा सार्वजनिक गर्दै ईभीको ऋण मूल्य अनुपात (लोन टु भ्यालु रेसियो) ६० प्रतिशतमा झारेको हो ।
यसअघि विद्युतीय सवारीमा लोन टु भ्यालु रेसियो ८० प्रतिशत थियो ।
राष्ट्र बैंकले आइसीई इन्जिन (पेट्रोल/डिजेल) गाडीको कर्जा लगानीमा भने लचकता अपनाएको छ । यसअघि ५० प्रतिशत रहेको लोन टु भ्यालु रेसियो बढाएर ६० प्रतिशत पुर्याएको छ ।
‘व्यक्तिगत सवारी साधन र सबै प्रकारका विद्युतीय सवारी साधनको ऋण मूल्य अनुपातको सीमालाई ६० प्रतिशत कायम गरिनेछ,’ मौद्रिक नीतिको अर्धवार्षिक समीक्षामा भनिएको छ ।
