काठमाडौं । अमेरिकी राष्ट्रपति डोनाल्ड ट्रम्पले अमेरिकामा आर्टिफिसियल इन्टेलिजेन्स (एआइ) क्षेत्रमा ५ खर्ब डलर लगानी गर्ने घोषणा गरेका छन् ।
उनले यो लगानी आगामी ५ वर्षमा ओरेकल, ओपन एआई र सफ्ट बैंकजस्ता ठूला प्रविधि कम्पनीहरूले गर्ने बताएका हुन् । यसका लागि ट्रम्पले नयाँ अमेरिकी एआई कम्पनी ‘स्टारगेट’ स्थापना गर्ने घोषणा गरेका छन् ।
यसले १ लाख नयाँ रोजगारी पनि सिर्जना गर्ने बताएका छन् । ‘कम्पनीहरूले गर्ने यो हुने परियोजनामा सुरुमा १०० अर्ब डलर लगानी गर्नेछन्, आगामी वर्षहरूमा ५०० अर्ब डलरसम्म पुर्याउने योजनाहरू छन्। यो परियोजनाले अमेरिकामा १ लाख रोजगारी सिर्जना गर्ने अपेक्षा गरिएको छ,’ ट्रम्पले भने।
ओरेकलका वरिष्ठ अधिकारी एलिसनले टेक्सासमा डाटा सेन्टर निर्माण गर्ने काम पहिले नै भइरहेको बताएका छन्, जहाँ १० वटा भवन निर्माणाधीन छन् । अब यसलाई बढाएर २० र्पुयाइनेछ ।
‘यो यस युगको सबैभन्दा महत्त्वपूर्ण परियोजना हो र यो ट्रम्पबिना हुन सक्दैनथ्यो,’ ओपन एआई कम्पनीका प्रमुख अल्टम्यानले दाबी गरेका छन् ।
यसैबीच, सफ्टबैंक कम्पनीका मासायोशी सनले ट्रम्पका शब्दहरू सापट लिँदै भने, ‘यो अमेरिकाको स्वर्ण युगको सुरुवात हो ।’ बीबीसी
