काठमाडौं । काठमाडौंको पेप्सीकोलाबाट ४ क्विन्टलभन्दा धेरै रक्तचन्दन बरामद भएको छ ।
उपत्यका अपराध अनुसन्धान कार्यालयको टोलीले आज बिहान बोरामा प्याक गरेर राखिएको अवस्थामा ४६२ किलो रक्तचन्दन बरामद गरेको हो ।
प्रहरीले उक्त घटनामा संलग्नको आरोपमा काठमाडौं ४१ वर्षीय रमेश थापा र ४० वर्षीय ज्ञानबहादुर तिमल्सिनालाई पक्राउ समेत गरेको छ ।
उक्त रक्तचन्दन कहिले कहाँबाट ल्याइएको थियो र कहाँ लगिँदै थियो भन्ने खुलिसकेको छैन। घटना बारे थप अनुसन्धान भइरहेको प्रहरीले जनाएको छ ।
