काठमाडौं । काठमाडौंको त्रिभुवन विमानस्थलबाट झापाको भद्रपुर उडेको बुद्ध एयरको जहाज आकष्मिक अवतरण गरिएको छ ।
बुद्धको उडान नं. ९५३ को कलसाइन नाइनएन-एजेएस जहाजको दायाँ इन्जिनमा समस्या देखिएपछि उक्त जहाजलाई बीचबाटै काठमाडौं फर्काइएको हो ।
काठमाडौंबाट १०ः३८ बजे उडेको उक्त जहाज बिहान ११ः१५ मा त्रिभुवन विमानस्थलमा सुरक्षित अवतरण गराइएको विमानस्थल कार्यालयले जनाएको छ ।
उक्त जहाजले झण्डै आधा उडान गरिसकेको अवस्थामा समस्या देखिएपछि फर्काइएको बताइएको छ । प्राविधिक टोलीले विमानको जाँच गरिरहेको बुद्ध एयरले जनाएको छ ।
उक्त जहाजका यात्रुलाई अर्को विमानबाट भद्रपुर पठाउने तयारी गरिएको छ ।
